Comercio na vila
En Padrón SOMOS #comercio… Neste espazo descubrirás os lugares onde mercar na nosa vila, os servizos que ofrecen cada un dos establecementos, os seus horarios e outra información de interese.
Padrón conta cunha longa tradición de vila comercial como cabeceira de comarca. A día de hoxe os seus negocios combinan tradición e modernismo, nos que podes mercar produtos clásicos de calidade en locais de confianza de toda a vida…e outros con produtos máis innovadores.
Contamos cun amplo abano de tendas infantís especializadas onde podes atopar de todo: xoguetes, roupa, zapatos, material escolar e didáctico… e tamén locais de ocio e de actividades. Un lugar perfecto para combinar compras e ocio!
No campo gastronómico destacamos os produtos gourmet que crean a #MarcaPadrón: pementos de Herbón, marmelada, confitura, bombóns, pemento en pó, queixo, doces, vermú, bitter, cervexa, licores, viño…
Non podemos esquecer a popular Praza de Abastos de Padrón onde a frescura dos produtos de tempada e de proximidade son os verdadeiros protagonistas dende ben cedo, todas as mañás.
E os domingos de mañá… temos o Mercado Dominical, un dos máis populares e concorridos de Galicia e tamén os establecementos comerciais abertos para mercar todo o que precisas.
En Padrón SOMOS #comercio #camiñoedestino
